ოპერატიული სარდლობა ,,სამხრეთის" პრესსამსახურის ინფორმაციით, მიკოლაივის გარეუბნებში რუსულმა ძალებმა კასეტური საბრძოლო მასალები კიდევ ერთხელ გაისროლეს.ამის შესახებ ინფორმაციას უკრაინული მედია ავრცელებს.

მათივე თქმით, ,,ურაგანის" ტიპის მრავალჯერადი სარაკეტო გამშვები სისტემების კასეტური საბრძოლო მასალები მშვიდობიანი მოსახლეობის ეზოებს მოხვდა, რის შედეგადაც სახლები და ეზოები დაზიანდა.

გავრცელებული ინფორმაციით, რუსული ძალები ღამით აგრძელებენ მიკოლაივის კასეტური იარაღით დაბომბვას.

ოპერატიული სარდლობა ,,სამხრეთის" ინფორმაციით, ამ დროისთვის მსხვერპლი არ არის.