ვოლოდიმირ ზელენსკი - არ ყოფილა დღე, რომ გამოსავალი, რომელიც ჩვენს ხალხს გადაარჩენდა, არ გვეძებნა -  მარიუპოლიდან ხალხის ევაკუაციის გასაგრძელებლად ხვალ ყველა აუცილებელი პირობა შესრულდება

არ ყოფილა დღე, რომ გამოსავალი, რომელიც ჩვენს ხალხს გადაარჩენდა, არ გვეძებნა. დღეს, ომის განმავლობაში პირველად, ამ სასიცოცხლო მნიშვნელობის დერეფანმა მუშაობა დაიწყო, - ,,აზოვსტალის" ფოლადის ქარხნიდან ევაკუაციის შესახებ უკრაინის პრეზიდენტმა ვოლოდიმირ ზელენსკიმ მის ვიდეო მიმართვაში განაცხადა.

ზელენსკიმ აღნიშნა, რომ მარიუპოლის ქარხნიდან ევაკუაცია ხვალ, დილის 8 საათიდან განახლდება.

,,დღეს საბოლოოდ, ,,აზოვსტალიდან" ხალხის ევაკუაცია მოვახერხეთ. მრავალკვირიანი მოლაპარაკებების, მრავალი მცდელობის, სხვადასხვა შეხვედრების, ხალხის მოწოდებების შემდეგ, საბოლოოდ! არ ყოფილა დღე, რომ გამოსავალი, რომელიც ჩვენს ხალხს გადაარჩენდა, არ გვეძებნა. დღეს, ომის განმავლობაში პირველად, ამ სასიცოცხლო მნიშვნელობის დერეფანმა მუშაობა დაიწყო. პირველად, ამ ტერიტორიაზე ორდღიანი რეალური ცეცხლის შეწყვეტა მოხდა. უკვე 100-ზე მეტი მშვიდობიანი მოქალაქე,პირველ რიგში ქალები და ბავშვები ევაკუირებული არიან. პროცესის ყველა სირთულის გათვალისწინებით, პირველი ევაკუირებული პირები ჟაპოროჟიეში ხვალ ჩავლენ, იმედია ეს არ ჩაიშლება, ჩვენი გუნდი მათ იქ შეხვდება. იმედი მაქვს, მარიუპოლიდან ხალხის ევაკუაციის გასაგრძელებლად, ხვალ ყველა აუცილებელი პირობა შესრულდება, დილის 8 საათზე ვგეგმავთ დაწყებას", - განაცხადა ზელენსკიმ

ამასთან, უკრაინის პირველმა პირმა ევაკუაციის დაწყებისთვის მადლობა ამ პროცესში ჩართულ ყველა პირსა და პარტნიორს, მათ შორის, გაეროსა და ,,წითელ ჯვარს" გადაუხადა.

შეგახსენებთ, დღეს, მარიუპოლში ,,აზოვსტალის" ქარხნიდან ჩარჩენილი მოსახლეობის ევაკუაციის პირველი ეტაპი დაიწყო.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს