გაერთიანებული ერების ორგანიზაციისა და წითელი ჯვრის საერთაშორისო კომიტეტის მიერ მხარდაჭერილი კოლონა დღეს მარიუპოლის დატოვებას შეეცდება, - ინფორმაციას ქალაქის საკრებულო Telegram-ში ავრცელებს.
„კარგი ამბავია. გაეროსა და წითელი ჯვრის მხარდაჭერით, დღეს შეთანხმებული იქნა ორი დამატებითი ლოკაცია საევაკუაციო კოლონაში ადამიანების განსათავსებლად, რომლებიც დატოვებენ მარიუპოლის“, - აღნიშნულია ინფორმაციაში.
საკრებულოს ცნობით, კოლონა ევაკუირებულ მოქალაქეებს უკრაინის ქალაქ ბერდიანსკთან ორ სოფელში გადაიყვანს.
შეგახსენებთ, მარიუპოლიდან მშვიდობიანი მოქალაქეების ევაკუაცია გუშინ „უსაფრთხოების მიზეზებიდან“ გამომდინარე შეჩერდა, მანამდე კი „აზოვსტალის“ ქარხნის ტერიტორიიდან 100-მდე ადამიანის გამოყვანა მოხერხდა. გავრცელებული ინფორმაციით, მარიუპოლში ამ დროისთვის 100 000-მდე სამოქალაქო პირი იმყოფება.