უკრაინამ მსოფლიო ბანკის ნდობის ფონდიდან 495 მილიონი ევროს საგრანტო თანხა მეორე სასესხო პროგრამის ფარგლებში ეკონომიკური აღდგენისთვის მიიღო.
ამის შესახებ ინფორმაციას უკრაინის ფინანსთა სამინისტრო ავრცელებს.
„უკრაინამ საგრანტო თანხების კიდევ ერთი ნაწილი მიიღო 495 მილიონი ევროს ოდენობით. თანხები გამოიყო მსოფლიო ბანკის დონორთა ნდობის ფონდიდან უკრაინის ეკონომიკური აღდგენის სფეროში განვითარების პოლიტიკის მეორე სასესხო პროგრამის ფარგლებში“,- ნათქვამია განცხადებაში.
თანხა მოხმარდება პრიორიტეტული სოციალური, ჰუმანიტარული, ჯანდაცვისა და იძულებით გადაადგილებულ პირთა მხარდაჭერას.