უკრაინის საგარეო საქმეთა სამინისტრო ,,ტვიტერის" გვერდზე, ლუგანსკის რეგიონული ადმინისტრაციის ხელმძღვანელ სერგეი გაიდაიზე დაყრდნობით იუწყება, რომ ლისიჩანსკში 100 წლის წინ აშენებული გიმნაზია დაიწვა.

მათივე ინფორმაციით, გიმნაზიამ პირველ და მეორე მსოფლიო ომს გაუძლო.

,,დაიწვა ლისიჩანსკის გიმნაზია. იგი ბელგიელების მიერ, 100 წელზე მეტი ხნის წინ აშენდა, იგი ორ მსოფლიო ომს და 2014 წელს, ქალაქისთვის ბრძოლას გადაურჩა. ეს იყო უკრაინის 100 საუკეთესო სკოლიდან ერთ-ერთი", - განაცხადა გაიდაიმ.