უმაღლეს საბჭოში აჭარის 2022 წლის რესპუბლიკური ბიუჯეტის პირველი კვარტლის შესრულების ანგარიშის განხილვის პროცედურები იწყება. აღნიშნულთან დაკავშირებით ინფორმაციას აჭარის უმაღლესი საბჭო ავრცელებს.

როგორც საბჭოს ინფორმაციაშია აღნიშნული, განისაზღვრა წამყვანი კომიტეტი და განხილვის ვადები. შესაბამისი გადაწყვეტილება უმაღლესი საბჭოს ბიურომ რიგით მე-6 სხდომაზე მიიღო. საკითხი ბიურო წევრებს საფინანსო-საბიუჯეტო და ეკონომიკურ საკითხთა კომიტეტის თავმჯდომარემ, მარინე გვიანიძემ წარუდგინა.

განხილვის პროცედურები იწყება საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭოს 2021 წლის საქმიანობის ანგარიშთან დაკავშირებითაც. ბიურომ, წამყვან და სავალდებულო კომიტეტებთან ერთად, განსაზღვრა განხილვის ვადებიც.