მიხაილო პოდოლიაკი - რუსეთი ნაცისტური იდეოლოგიის მემკვიდრეა - ისტორიის გადაწერის მცდელობით მოსკოვი ეძებს არგუმენტებს უკრაინელების მასობრივი მკვლელობების გასამართლებლად

უკრაინის პრეზიდენტის ოფისის ხელმძღვანელის მრჩეველი მიხაილო პოდოლიაკი სერგეი ლავროვის განცხადებას ეხმაურება და აცხადებს, რომ ებრაელების მიმართ ბრალდებები მეორე მსოფლიო ომსა და ჰოლოკოსტში არის იმის მტკიცებულება, რომ რუსეთი ნაცისტური იდეოლოგიის მემკვიდრეა.

„ებრაელების მიმართ ბრალდებები მეორე მსოფლიო ომსა და ჰოლოკოსტში არის იმის მტკიცებულება, რომ რუსეთი ნაცისტური იდეოლოგიის მემკვიდრეა. ისტორიის გადაწერის მცდელობით მოსკოვი უბრალოდ ეძებს არგუმენტებს უკრაინელების მასობრივი მკვლელობების გასამართლებლად.

დასკვნები:

1.რუსეთი არასწორად აფასებს სამყაროს და საკუთარ ადგილს მასში.

2.რუსეთი ებრაელებს ომის პროვოცირებაში ადანაშაულებს, მსოფლიო ისტორიას ნაციზმის და იდეოლოგიური მკვლელობის უფლების სასარგებლოდ უყურებს.

3.რუსეთი აფართოებს სამხედრო არსენალს ტერორიზმისა და გენოციდის ტექნოლოგიების უგულებელყოფის გარეშე“, - წერს პოდოლიაკი „ტვიტერზე“.

ცნობისთვის, იტალიურ ტელეარხ Rete 4-თან ინტერვიუს დროს, სერგეი ლავროვს ჰკითხეს, როგორ შეუძლია რუსეთს თქვას, რომ უკრაინის „დენაციფიკაცია“ უნდა განახორციელოს, როცა ქვეყნის პრეზიდენტი, ვოლოდიმირ ზელენსკი ებრაელია, ლავროვმა კი უპასუხა, რომ „ჰიტლერსაც ებრაული წარმომავლობა ჰქონდა, ასე რომ ეს არაფერს ნიშნავს“. ისრაელმა ლავროვის კომენტარი დაგმო და რუსეთის ელჩი საგარეო უწყებაში დაიბარა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024