ევროკავშირის ენერგეტიკის მინისტრების შეხვედრის შემდეგ, ევროკავშირის ენერგეტიკის კომისარმა კადრი სიმსონმა განაცხადა, რომ ,,გაზპრომის" გადაწყვეტილება, შეაჩეროს გაზის მიწოდება ბულგარეთსა და პოლონეთში, არის ,,მიმდინარე კრიზისში გარდამტეხი მომენტი" და იძლევა გაფრთხილებას, რომ ,,ნებისმიერი სახელმწიფო შეიძლება იყოს შემდეგი".

ამის შესახებ ინფორმაციას BBC-ი ავრცელებს.

მათივე ინფორმაციით, ენერგეტიკის კომისარმა განაცხადა, რომ მიუხედავად იმისა, რომ ევროპისთვის გაზის მიწოდებას უშუალო საფრთხე არ ემუქრება, სიტუაციის გაურკვევლობა ნიშნავს, რომ წევრმა ქვეყნებმა ზამთრამდე გაზის საკმარისი მარაგი შეაგროვონ და რუსულ წიაღისეულ საწვავზე ენერგეტიკის დივერსიფიკაცია განახორციელონ.