რუსული ძალები აღმოსავლეთ უკრაინის დონბასის რეგიონში - სადაც საბრძოლო მოქმედებების ძირითადი ნაწილი მიმდინარეობს - ზარალდებიან ცუდი მართვისა და კონტროლის, დაბალი საბრძოლო სულისკვეთებისა და ლოგისტიკის გამო, რომლის ხარისხი იდეალური არ არის, - ამის შესახებ აშშ-ის თავდაცვის დეპარტამენტის მაღალჩინოსანმა განაცხადა.

„დონბასში რუსების მინიმალურ პროგრესს ვხედავთ. ისინი ვერ აღწევენ იმ პროგრესს, რისი მიღწევაც დაგეგმილი ჰქონდათ და ეს პროგრესი არათანაბარი და ეტაპობრივია“, - განაცხადა პენტაგონის მაღალჩინოსანმა.

მისივე მტკიცებით რუსებს ჰქონდათ მცირე უპირატესობა უკრაინის ქალაქების იზიუმისა და პოპასნიას აღმოსავლეთით და რომ ეს პროგრესი „ანემიური“ იყო.

ამასთან, პენტაგონის მაღალჩინოსნის მტკიცებით, უკრაინული ძალები ინარჩუნებენ ხარკოვზე კონტროლს, თუმცა ქალაქში გრძელდება რუსეთის მიერ საჰაერო დარტყმების განხორციელება.

მისი ინფორმაციით, გრძელდება თავდასხმები მარიუპოლზეც და რუსული ძალები ისეთ ბომბებს იყენებენ, რომლებიც ზუსტი მართვადი არ არის.

იხილეთ ვიდეო:პენტაგონის მაღალჩინოსანი - რუსული ძალები დონბასში მინიმალურ პროგრესს აღწევენ