რომან გოცირიძე - მოვუწოდებ გახარიას, 1 ხმა გვაკლია საგამოძიებო კომისიის შესაქმნელად, თავი რომ ოპოზიციონერად მოაქვს ამ პარტიას - კეთილი ინებოს და ჭეშმარიტების დადგენას შეუწყოს ხელი, წაადგება მას, ცოდვების ჩამოსარეცხადაც

უნდა მოვუწოდო ბატონ გახარიას, ერთი ხმა გვაკლია საგამოძიებო კომისიის შესაქმნელად, თავი რომ ოპოზიციონერად მოაქვს ამ პარტიას - კეთილი ინებოს და ჭეშმარიტების დადგენას შეუწყოს ხელი, წაადგება მას, ცოდვების ჩამოსარეცხადაც, - ამის შესახებ "ნაციონალური მოძრაობის" დეპუტატმა რომან გოცირიძემ განაცხადა.

მისი თქმით, მიხეილ სააკაშვილის სამკურნალოდ გადასაყვანად ყველა ბერკეტი იქნება გამოყენებული, მათ შორის საპარლამენტო ბერკეტები, აქციები და საერთაშორისო მხარდაჭერის მობილიზება.

მიხეილ სააკაშვილის მიმართ არაადამიანური მოპყრობის ფაქტები რომ არ იქნას გამოძიებული, ამიტომ გააგდეს ბადრი ჯაფარიძე პარლამენტიდან და ახლა გვეუბნებიან, რატომ არ ქმნით საგამოძიებო კომისიასო. უნდა მოვუწოდო ბატონ გახარიას, ერთი ხმა არის საჭირო, თავი რომ ოპოზიციონერად მოაქვს ამ პარტიას, რა ჭირს, სიმართლის დადგენას შეუწყოს ხელი, ხომ არ მივმართავთ, რომ სააკაშვილის გათავისუფლებაზე პეტიციას მოაწერონ ხელი. 49 ხელმომწერია, ერთი ხმა გვაკლია, ფორმალურად გვეუბნებიან, რომ არსებობენ პარლამენტში ოპოზიციური პარტიები, კეთილი ინებოს და ჭეშმარიტების დადგენას შეუწყოს ხელი. წაადგება მას, ცოდვების ჩამოსარეცხადაც. რა თქმა უნდა, ყველა ბერკეტი იქნება გამოყენებული, პარლამენტიც, აქაც ვიბრძოლებთ დროებითი საგამოძიებო კომისიის შესაქმნელად, რათა კიდევ ერთხელ იქნას მხილებული ამ ხელისუფლების დანაშაულებრივი ქმედებები. ისევე როგორც გამოყენებული იქნება პოლიტიკური ბრძოლის ყველა ფორმა მიხეილ სააკაშვილის გადასარჩენად, აქციები, საერთაშორისო საზოგადოების მხარდაჭერის მობილიზება. ყველა ხერხი იქნება გამოყენებული, რათა მივაღწიოთ ერთ პატარა მიზანს - გადაიყვანონ მიხეილ სააკაშვილი უცხოეთში სამკურნალოდ, აქ მისი მკურნალობის შანსი არ არსებობს, რადგან ეს არ სურს ხელისუფლებას", - განაცხადა რომან გოცირიძემ.

იხილეთ ვიდეო:რომან გოცირიძე - მოვუწოდებ გახარიას, 1 ხმა გვაკლია საგამოძიებო კომისიის შესაქმნელად, თავი რომ ოპოზიციონერად მოაქვს ამ პარტიას - კეთილი ინებოს და ჭეშმარიტების დადგენას შეუწყოს ხელი, წაადგება მას, ცოდვების ჩამოსარეცხადაც

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს