რუსეთის ფედერაცია მიზნად ისახავს დონბასისა და უკრაინის სამხრეთ ტერიტორიის სრულ ანექსირებას. უახლოეს დღეებში მოსკოვში შეიძლება განაცხადონ ამ ტერიტორიების დაპყრობის შესახებ, - ამის შესახებ უკრაინის პრეზიდენტის ოფისის ხელმძღვანელის მრჩეველმა ალექსი არესტოვიჩმა РБК-Украина-სთვის მიცემულ კომენტარში განაცხადა.

„მე ვფიქრობ, ისინი შეთანხმდნენ, რომ ამ ომში გამარჯვებად შეიძლება ჩაითვალოს დონეცკის, ლუგანსკისა და ხერსონისა და ნაწილობრივ შეიძლება ზაპოროჟიეს ოლქების ადმინისტრაციულ საზღვრებზე გასვლა“,- განაცხადა არესტოვიჩმა.

არესტოვიჩი მიიჩნევს, რომ რუსმა ოკუპანტებმა შეიძლება გამოაცხადონ „ტავრიჩესკის გუბერნია“ და ტერიტორიების ანექსია, სადაც იმოქმედებს რუსული რუბლი და დაფინანსდება რუსეთის ბიუჯეტიდან.