დონეცკის ოლქში რუსული ძალების მიერ დღეს განხორციელებული დაბომბვის შედეგად მინიმუმ 9 მშვიდობიანი მოქალაქე დაიღუპა,- ამის შესახებ ოლქის გუბერნატორმა პავლო კირილენკომ განაცხადა.
მისი ინფორმაციით, სულ მცირე 3 მშვიდობიანი მოქალაქე დაიღუპა ქალაქ ავდიივკას დაბომბვის დროს, სამი მოქალაქე ემსხვერპლა დაბომბვას ქალაქ ვუჰლედარში და კიდევ სამი - ქალაქ ლიმანში. დონეცკის გუბერნატორის განცხადებით, არ წყდება ცეცხლი ოლქის სხვა ტერიტორიებზეც.