აბაშის მუნიციპალიტეტში ცოფის საწინააღმდეგო ღონისძიებები მიმდინარეობს

აბაშის მუნიციპალიტეტში ცხოველის ცოფით დაავადების სამი შემთხვევა (ძაღლი - 2 , ღორი - 1) აღინიშნა.

სურსათის ეროვნული სააგენტოს ინფორმაციით, დაავადების გამოვლენის კერებში, აბაშასა და სოფელ სუჯუნაში სურსათის ეროვნული სააგენტოს სამეგრელო-ზემო სვანეთის რეგიონული სამმართველოს ვეტერინარებმა ცოფის საწინააღმდეგო სავალდებულო ვაქცინაცია და სადეზინფექციო სამუშაოები მყისიერად დაიწყეს.

სააგენტო მოუწოდებს მოსახლეობას, საკუთარ და მიკედლებულ ცხოველებს დროულად ჩაუტარონ ცოფის საწინააღმდეგო ვაქცინაცია; ცხოველების ქცევაში საეჭვო ნიშნების დაფიქსირების შემთხვევაში მიმართონ ვეტერინარს; მოერიდონ უცხო ცხოველთან ახლო კონტაქტს.

„ცოფი საშიში ზოონოზური დაავადებაა, რომლითაც ავადდება როგორც შინაური და გარეული თბილსისხლიანი ცხოველი, ასევე ადამიანი. ინფექცია ვრცელდება დაავადებულ ცხოველთან კონტაქტით (დაკბენა, დაკაწვრა, დადორბვლა). ასეთ დროს დაუყოვნებლივ მიმართეთ სამედიცინო დაწესებულებას-ექიმ რაბიოლოგს. კლინიკური ნიშნების გამოვლენის შემდეგ დაავადება ლეტალობით სრულდება. შინაური ცხოველების ვაქცინაცია უმნიშვნელოვანესია, რათა დავიცვათ ადამიანების და ცხოველების სიცოცხლე.

სურსათის ეროვნული სააგენტო ყოველწლიურად 260 ათასზე მეტ ცხოველს ცრის, ხოლო ცოფის დაფიქსირების შემთხვევაში დაავადების ამთვისებელ ცხოველებს ინფექციის კერაში იძულებითი ვაქცინაცია უტარდებათ“,- ნათქვამია ინფორმაციაში.

ეკატერინე ციმაკურიძე - როცა ტელევიზიის ხელმძღვანელს ასამართლებენ სრულიად არადამაჯერებელი მართლმსაჯულებით, ეს ნამდვილად არაა დასავლური მისწრაფება, ხელისუფლება კი ამბობს, რომ აქვს ევროატლანტიკური კურსი, მაგრამ საქმით სხვა რამეს ამტკიცებს
ქართული პრესის მიმოხილვა 16.05.2022
მუსიკათერაპია, როგორც ბედნიერების ტრენინგი
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა