უკრაინის გენერალურმა პროკურორმა ირინა ვენედიქტოვამ რუსეთი გაუპატიურების, როგორც ომის ტაქტიკის გამოყენებაში დაადანაშაულა და რუსეთის პრეზიდენტს ვლადიმერ პუტინს "21-ე საუკუნის მთავარი ომის დამნაშავე" უწოდა. ინფორმაციას სააგენტო „როიტერსი“ აქვეყნებს.
ქალაქ ირპინში ვიზიტისას, ვენედიქტოვამ დასძინა, რომ უკრაინა ინფორმაციას აგროვებს რუსი სამხედროების მიერ ჩადენილი გაუპატიურების, წამების და სხვა ომის დანაშაულების შესახებ.
უკრაინის გენპროკურორმა განაცხადა, რომ ზოგიერთ მსხვერპლს ეშინია ხმამაღლა ისაუბროს აღნიშნულ დანაშაულებზე, რადგან მათ რუსული ძალების დაბრუნების ეშინიათ.
კრემლი ამ დრომდე უარყოფს მისი ძალების მიერ ომის დანაშაულის ჩადენას.