უკრაინამ რუსეთის სრულმასშტაბიანი ომის განმავლობაში, საერთაშორისო პარტნიორებისგან 4.5 მილიარდი ევროს ოდენობის ფინანსური დახმარება მიიღო. ამის შესახებ უკრაინის პრემიერ - მინისტრმა დენის შმიგალმა მინისტრთა კაბინეტის სხდომაზე განაცხადა.„უკრაინამ ჩვენი საერთაშორისო პარტნიორებისგან და მეგობრებისგან 4.5 მილიარდი ევროს ოდენობის დახმარება მიიღო. ბოლო კვირის განმავლობაში 500 მილიონი დოლარი მოვიდა მსოფლიო ბანკისგან“, - განაცხადა შმიგალმა.
მისი თქმით, ეს არის საგრანტო დაფინანსება, რომლის დაბრუნებაც არ იქნება საჭირო.
უკრაინის მთავრობის მეთაურმა მადლობა გადაუხადა მსოფლიო თანამეგობრობას მხარდაჭერისთვის და განაცხადა, რომ ეს მათ ეხმარება ყველა სოციალური გადასახადების სრულად გადახდაში.