რუსულმა ძალებმა ხერსონის ოლქის გათავისუფლებულ რაიონებს ცეცხლი გაუხსნეს, დაიღუპა ერთი ადამიანი, არიან დაჭრილები

ხერსონის ოლქის ვისოკოპოლსკის რიონში რუსულმა ძალებმა ოკუპაციისგან გათავისუფლებული ნაწილი დაბომბეს, არის მსხვერპლი, - ინფორმაციას უკრაინული მედია კრივოი-როგის სამხედრო ადმინისტრაციის ხელმძღვანელზე, ალექსანდრ ვილკულზე დაყრდნობით ავრცელებს.

„მტრის მიერ ხერსონის ოლქის ვისოკოპოლსკის რაიონის გათავისუფლებული ნაწილის დაბომბვის დროს, ერთ-ერთი ჭურვი საცხოვრებელ სახლს მოხვდა. მძიმედ დაშავდა დედა და მისი ხუთი წლის ქალიშვილი. ბავშვის მდგომარეობა მძიმე იყო. მადლობა ღმერთს, მათ მოახერხეს დაჭრილების კრივოი როგში გადაყვანა. ექიმებმა რთული ოპერაციები ჩაატარეს. დედა და ქალიშვილი ცოცხლები არიან“, - განაცხადა ვილკულმა.

მისივე თქმით, დამპყრობლებმა ხერსონის ოლქის განთავისუფლებული ნაწილის სოფელ ზაგრადოვკას ცეცხლი "გრადების" გამოყენებით გაუხსნეს: დაიღუპა ქალი, დაშავდა კიდევ სამი ადამიანი, ყველა მშვიდობიანი მოქალაქე.

ალექსანდრ ვილკულის ინფორმაციით, კრივოი როგის რეგიონში ვითარება სტაბილურია და სრულად კონტროლდება უკრაინის შეიარაღებული ძალების და სამხედრო ადმინისტრაციის მიერ.

გიორგი ბილანიშვილი - სამწუხაროდ, ხელისუფლებას, რომელსაც განსაკუთრებული პასუხისმგებლობა ეკისრება ქვეყნის უსაფრთხოებაზე და მომავალზე, არ გააჩნია ფართო ხედვა და ვერ ახერხებს საერთაშორისო მოვლენების განვითარების სწორად აღქმასა და გააზრებას
ქართული პრესის მიმოხილვა 16.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო