გვირილობის დღისთვის მოსამზადებლად კერხერის მოხალისეთა გუნდმა ქუთაისის ლადო მესხიშვილის სახელობის პროფესიული სახელმწიფო დრამატული თეატრის ცენტრალური კიბეების წმენდითი სამუშაოები ჩაატარა. დასუფთავების პროცესში მოხალისეთა გუნდმა „კერხერის“ ორი პროფესიონალური მაღალი წნევით რეცხვის HD 8/23 მოდელი გამოიყენა. 29 აპრილს ქუთაისში ჩატარებული წმენდითი სამუშაოები კომპანიისთვის მორეცხვის რიგით მე-10 აქტივობა გახლდათ.

„კერხერი“კორპორაციული სოციალური პასუხისმგებლობის ფარგლებში რეცხავს კულტურული მემკვიდრეობის ძეგლებს და დასუფთავების პროექტებში იღებს მონაწილეობას. კომპანია მსოფლიო მასშტაბით 1980 წლიდან ეწევა აღნიშნულ საქმიანობას. 2017 წლიდან კი კულტურულ-მემკვიდრეობითი ძეგლების წმენდა საქართველოშიც დაიწყო.

კომპანია სპეციალურად არჩევს ძეგლებსა და სივრცეებს, რომელთაც განსაკუთრებული მნიშვნელობა და დატვირთვა აქვთ. ამჯერად წმენდითი სამუშაოების ჩატარება ქუთაისში გადაწყდა. ქუთაისის დრამატული თეატრი, რომელიც გვირილობისთვის „კერხერმა“ მორეცხა, ერთ–ერთია საქართველოს თეატრებს შორის, რომელიც საუკუნენახევარზე მეტს ითვლის. ქუთაისის დრამატული თეატრის ახალი შენობა 1955 წელს ოფიციალურად გაიხსნა. ეს გახლავთ უნიკალური არქიტექტურული ნაგებობა, რომელსაც 2009 წელს ძეგლის სტატუსი მიენიჭა.

„კერხერი“ თითქმის საუკუნოვანი ისტორიის მქონე მსოფლიო ბრენდია, რომელიც 1935 წელს ინჟინერმა ალფრედ კერხერმა შექმნა. ამჟამად ბრენდი მსოფლიო მასშტაბით 150-ზე მეტ ოფიციალურ წარმომადგენლობას აერთიანებს. მათ შორისაა „კერხერ-საქართველოც“, რომელმაც 2016 წელს დაიწყო ოპერირება.

(R)