ბულგარეთის ეროვნული ტელევიზია (BNT) იუწყება, რომ უკრაინის პრეზიდენტმა ვოლოდიმირ ზელენსკიმ ბულგარეთს, რუსეთთან მიმდინარე ომში დაზიანებული სამხედრო ტექნიკის შეკეთებაში დახმარება სთხოვა, - ამის შესახებ ინფორმაციას CNN-ი ავრცელებს.

უკრაინის ელჩმა სოფიაში ვიტალი მოსკალენკომ ბულგარეთის პარლამენტს ზელენსკის წერილი წარუდგინა, სადაც უკრაინის პრეზიდენტი ამბობს, რომ ხელისუფლება იმედოვნებს, რომ უკრაინული სამხედრო ტექნიკის შეკეთებაში ბულგარეთი დაეხმარება და ასევე ომიდან გაქცეული მოსახლეობის დახმარებას გააგრძელებს.

ამასთან, ზელენსკიმ განაცხადა, რომ იმედოვნებს, ბულგარეთი უკრაინისთვის ჰუმანიტარულ დახმარებას გააგრძელებს, რომელიც მედიკამენტებს, ტანსაცმელსა და საკვებს მოიცავს. წერილში ზელენსკიმ ასევე აღნიშნა, რომ ორ ქვეყანას შორის ენერგეტიკული თანამშრომლობა გაგრძელდება.

ზელენსკი იმედოვნებს, რომ ევროკავშირში ინტეგრაციის გზაზე ბულგარეთი უკრაინის მხარდაჭერას გააგრძელებს.