ქუთაისში ექიმების ნაწილმა აქცია გამართა. აქციაზე მედიკოსები მიხეილ სააკაშვილის ჯანმრთელობის მდგომარეობის დამძიმებას გამოეხმაურნენ და მისთვის სათანადო მკურნალობის გაწევა მოითხოვეს.

აქციის მონაწილეების თქმით, საზღვარგარეთ გადაყვანამდე აუცილებელია, ყოფილ პრეზიდენტთან დაუშვან დამოუკიდებელ ექსპერტთა და ექიმთა ჯგუფი, რომლებიც მის მდგომარეობას ადეკვატურად შეაფასებენ.

აქციაზე მყოფი ექიმები ქვეყნის მესამე პრეზიდენტს სოლიდარობას უცხადებენ და აღნიშნავენ, რომ სამედიცინო დახმარების მიღება ყველა პატიმრის კონსტიტუციური უფლებაა.