რუსეთი აცხადებს, რომ გახსნის ჰუმანიტარულ დერეფნებს, რათა "აზოვსტალის" ფოლადის ქარხნიდან მშვიდობიანი მოქალაქეები გავიდნენ. ამის შესახებ ინფორმაციას სააგენტო „როიტერსი“ „ინტერფაქსზე“ დაყრდნობით ავრცელებს.

რუსმა ოფიციალურმა პირებმა განაცხადეს, რომ დერეფანს 5, 6 და 7 მაისს გახსნიან, რათა მოხდეს რიგი მშვიდობიანი მოქალაქეების ევაკუაცია, რომლებიც ალყაში მოქცეული ქალაქ მარიუპოლის ფოლადის ქარხანაში იმალებოდნენ.

რუსეთის თავდაცვის უწყების ინფორმაციით, სამხედრო მოქმედებები ჰუმანიტარულ დერეფნების გახსნისას შეწყდება და საჯარისო დანაყოფები უსაფრთხო დისტანციაზე იქნებიან გაყვანილნი.