უკრაინის გენშტაბი - რუსებმა რამდენიმე დასახლებულ პუნქტზე კონტროლი დაკარგეს

რუსეთის ჯარებმა უკრაინის შეიარაღებულ ძალებთან ბრძოლების შედეგად მიკოლაივისა და ხერსონის ოლქების საზღვარზე რამდენიმე დასახლებულ პუნქტზე კონტროლი დაკარგეს, - უკრაინული მედიის ინფორმაციით, ამის შესახებ უკრაინის შეიარაღებული ძალების გენერალური შტაბის ანგარიშშია აღნიშნული.

მათივე ცნობით, მოწინააღმდეგე არ წყვეტს შეტევითი ოპერაციების ჩატარებას აღმოსავლეთის ოპერაციულ ზონაში იმ მიზნით, რომ დაამყაროს სრული კონტროლი დონეცკისა და ლუგანსკის ოლქების ტერიტორიაზე და შეინარჩუნოს სახმელეთო დერეფანი დროებით ოკუპირებულ ყირიმთან.

„4 მაისს უკრაინელმა დამცველებმა დონბასში მტრის 11 შეტევა მოიგერიეს, გაანადგურეს მოწინააღმდეგის 5 ტანკი, 7 ჯავშანტექნიკა და 5 მანქანა. საჰაერო ძალების და სახმელეთო ჯარების საჰაერო თავდაცვის დანაყოფებმა ცხრა საჰაერო სამიზნე გაანადგურეს: 4 უპილოტო საფრენი აპარატი, სამი მტრის საკრუიზო რაკეტა და ორი თვითმფრინავი,“ -აღნიშნულია ინფორმაციაში.

მათივე ცნობით, სლობოჟანსკის მიმართულებით, მტერი აგრძელებს ქალაქ ხარკოვის დაბომბვას და თავდაცვის ძალების ქვედანაყოფების პოზიციების დაზვერვას. ამასთან, ქალაქ იზიუმის ჩრდილოეთ რაიონში არტილერიიდან და ნაღმმტყორცნებიდან დაბომბვა გრძელდება.

„მოწინააღმდეგის ქვედანაყოფები ცდილობენ განახორციელონ შეტევითი ოპერაციები ლიმანსკის, სევეროდონეცკის და პოპასნაიის მიმართულებებით, მაგრამ წარმატებას ვერ აღწევენ. ავდეევკასა და კურახოვის მიმართულებით მტერი აგრძელებს უკრაინის დამცველების პოზიციების დაბომბვას,“- აღნიშნულია ინფორმაციაში.

გენშტაბის ცნობით, ქალაქ მარიუპოლში რუსი ოკუპანტების ძირითადი ძალისხმევა მიმართული „აზოვსტალის“ რაიონში უკრაინული ქვედანაყოფების დაბლოკვასა და განადგურებაზე. „ავიაციის მხარდაჭერით მტერმა განაახლა შეტევა ქარხნის ტერიტორიაზე კონტროლის მოპოვების მიზნით,“ - აღნიშნულია ინფორმაციაში.

ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
ქართული პრესის მიმოხილვა 30.01.2023
გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
კახა ოქრიაშვილი - ჩვენი ეკონომიკა გაიზარდა მხოლოდ შარშან, უკრაინის გაუბედურების ხარჯზე, რადგან საქართველოში ხალხი და ფული რუსეთიდან შემოდის
„ლიბერთი“ მასშტაბური პროექტის „ახალგაზრდული მეწარმეობა სოფლის განვითარებისთვის“ სტრატეგიულ პარტნიორობას აგრძელებს
BTU-მ ხელოვნური ინტელექტის ეროვნული სტრატეგიის შექმნისთვის საჭირო კვლევა დაიწყო
სიახლე - „ლიბერთის“ ბანკომატებში Apple Pay-ს და Google Pay-ს გამოყენებით უკვე შესაძლებელია ნებისმიერი ოპერაციის შესრულება
კახა ოქრიაშვილი - ვულოცავ „ნაციონალურ მოძრაობას“ შიდა დემოკრატიის განვითარების ახალ ეტაპზე გადასვლას, რის შედეგადაც ეს პარტია უკეთესი და უკეთესი ლიდერებით შეივსება“
TNET-ი და USAID-ი ითანამშრომლებენ ელექტრონული კომერციის განვითარებისთვის საქართველოში
CashBack და Mastercard-ის აქცია ქართული ბრენდებისთვის - 60%-მდე ქეშბექი ონლაინ შოპინგისას
EIB Global-სა და კრედო ბანკს შორის მიკრო, მცირე და საშუალო ზომის საწარმოების მხარდასაჭერად 28.8 მილიონი ლარის მოცულობის სასესხო ხელშეკრულება გაფორმდა