კრამატორსკზე სარაკეტო თავდასხმის შედეგად დაშავებულთა რიცხვი 25-მდე გაიზარდა, - ამის შესახებ დონეცკის ოლქის სამხედრო ადმინისტრაციის ხელმძღვანელი, პაველ კირილენკო Telegram-ში იუწყება.

„წუხელ, რუსების მიერ კრამატორსკზე განხორციელებული სარაკეტო თავდასხმის შედეგად დაშავებულია მინიმუმ 25 მშვიდობიანი მოქალაქე. დაჭრილებიდან ექვსს დახმარების გაწევა სამედიცინო დაწესებულებაში ესაჭიროება,“- აცხადებს კირილენკო.

მისი თქმით, რაკეტებმა დააზიანა 9 საცხოვრებელი სახლი, სკოლა და სამოქალაქო ინფრასტრუქტურის ბევრი ობიექტი.

„ეს არის რუსული არმიის მორიგი ომის დანაშაული ჩვენს მიწაზე. ყურადღებით ვაფიქსირებთ ყველაფერს. სასჯელს ვერავინ გადაურჩება!" - აცხადებს ოლქის ხელმძღვანელი.