New York Times - აშშ უკრაინულ ძალებს დაზვერვის ინფორმაციას აწვდის, რომელიც მათ უკრაინის ტერიტორიაზე რუსი გენერლების მიზანში ამოღებისა და ლიკვიდირების შესაძლებლობას აძლევს

ამერიკის შეერთებული შტატები უკრაინულ ძალებს დაზვერვის ინფორმაციას აწვდის, რომელიც მათ უკრაინის ტერიტორიაზე რუსი გენერლების მიზანში ამოღებისა და ლიკვიდირების შესაძლებლობას აძლევს, - ამის შესახებ ინფორმაციას New York Times ამერიკელ მაღალჩინოსანზე დაყრდნობით ავრცელებს.

გამოცემის ცნობით, უკრაინული მხარისთვის გადაცემული დაზვერვის ინფორმაცია რუსული ჯარის გადაადგილების მარშრუტებსა და მობილური სამხედრო შტაბების მდებარეობას მოიცავდა და გამოყენებული იყო უკრაინული ძალის მიერ თავდასხმების განხორციელებისას.

უკრაინის ოფიციალური პირები აცხადებენ, რომ 12 რუსი გენერალი დაიღუპა კონფლიქტის დროს. უკრაინის ხელისუფლებაში მიიჩნევენ, რომ რუსი სამხედროების დაბალი სულისკვეთების გამო, სამხედრო მაღალჩინოსნები იძულებულები იყვნენ ფრონტის ხაზის სიახლოვეს ყოფილიყვნენ.

უკრაინის ოფიციალურ პირებს არ დაუკონკრეტებიათ, რამდენი რუსი სამხედრო მაღალჩინოსნის ლიკვიდირება განხორციელდა ამერიკული დაზვერვის ინფორმაციის დახმარებით.

ამასთან, როგორც ცნობილია თეთრი სახლის პრესსპიკერმა New York Times-ის აღნიშნული სტატია გააკრიტიკა და აღნიშნა, რომ მისი სათაური შეცდომაში შემყვანი და უპასუხისმგებლოა.

ეროვნული უშიშროების საბჭოს სპიკერმა ედრიენ უოტსონმა განმარტა, რომ აშშ უკრაინას აწვდის საბრძოლო ველზე დაზვერვის ინფორმაციას, რათა „დაიცვან თავისი ქვეყანა“, თუმცა ეს „რუსი გენერლების მოკვლის განზრახვას არ ატარებს“ .

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს