უკრაინის პრეზიდენტმა ვოლოდიმირ ზელენსკიმ უკრაინის დახმარების გლობალური ინიციატივის United24-ის ჩაშვების შესახებ განაცხადა.
მისი თქმით, ყველას შეუძლია შემოწირულების გაკეთება, ღილაკის ერთი დაჭერით, ნებისმიერი ქვეყნიდან.
„ეს შეიძლება იყვნენ, როგორც ცალკეული მოქალაქეები, მეწარმეები, ასევე მსხვილი ტექნოლოგიური კორპორაციები. ჩვენ ყოველ დღე ვებრძვით მტერს, ვიბრძვით თავისუფლებისა და დემოკრატიული ღირებულებებისთვის და United24 გახდება სწორედ ის ციფრული სერვისი, რომელიც გააერთიანებს მთელს ცივილიზებულ მსოფლიოს უკრაინის დასახმარებლად“, - განაცხადა ზელენსკიმ.
United24 ფონდის მოზიდვის პლატფორმის მიზანია გახდეს მთავარი გზა უკრაინის სახელმწიფოს მხარდასაჭერად საქველმოქმედო შემოწირულებების შეგროვებისთვის. თანხები გადანაწილდება სამ სფეროში: თავდაცვა და ტერიტორიების განაღმვა, ჰუმანიტარული და სამედიცინო დახმარება და უკრაინის აღდგენა.
თანხები, რომლებიც გაიგზავნება ადამიანების, ორგანიზაციებისა და ფონდების მიერ, ეროვნული ბანკის ანგარიშზე დაირიცხება. უკრაინის ეროვნული ბანკი ყოველ 24 საათში წარადგენს ანგარიშს თანხების მოზიდვასთან დაკავშირებით. შესაბამისი სამინისტროები კი ყოველკვირეულად წარადგენენ ანგარიშს ამ თანხების დანიშნულებისა და გავრცელების შესახებ.