ადამიანის ჯანმრთელობის და სიცოცხლის ფასეულობა თუ არ იქნება დაცული, საერთოდ არც ქვეყანა და არც საზოგადოება ჩვენ არ გვეყოლება , - ამის შესახებ პარტია "დროას" ლიდერმა, ელენე ხოშტარიამ მიხეილ სააკაშვილის მხარდამჭერ აქციაზე განაცხადა.
ელენე ხოშტარიას თქმით, ხელისუფლების მხრიდან ადგილი აქვს მიზანმიმართული, ცინიკური, სადისტური, შურისძიების დამოკიდებულებას მიხეილ სააკაშვილის მიმართ.
"მე შევუერთდი მიხეილ სააკაშვილის ოჯახის მიერ დაორგანიზებულ აქციას, რადგან ვთვლი, რომ ადამიანის ჯანმრთელობის და სიცოცხლის ფასეულობა თუ არ იქნება დაცული, საერთოდ არც ქვეყანა და არც საზოგადოება არ გვეყოლება. არ აქვს მნიშვნელობა ეს ადამიანი ვის მოწონს და ვის - არ მოწონს, დღეს არის საუბარი ადამიანის გადარჩენაზე.
ხელისუფლების მხრიდან არის მიზანმიმართული, ცინიკური, სადისტური, შურისძიების დამოკიდებულება მის მიმართ. ამ მოვლენას თუ ჩვენ წინააღმდეგობა არ გავუწიეთ, იქნება ეს აქცია, პეტიცია, გარე ზეწოლა თუ სხვა ფორმები, ნიშნავს, რომ ჩვენ თავს ვუწერთ განაჩენს, რომ ამ ქვეყანაში ადამიანს არანაირი ფასეულობა არ გააჩნია", - განაცხადა ელენე ხოშტარიამ.