აჭარის მთავრობის სახლთან „ნაციონალური მოძრაობის“ ლიდერებმა და მხარდამჭერებმა კარვები გაშალეს
აჭარის მთავრობის სახლთან „ერთიანი ნაციონალური მოძრაობის” ლიდერებმა და მხარდამჭერებმა პროტესტის ნიშნად, აქციის პარალელურად, კარვები გაშალეს.
მათი განცხადებით, აჭარის მთავრობის სახლთან საპროტესტო აქციებს იქამდე გააგრძელებენ, ვიდრე მიხელ სააკაშვილის უცხოეთში სამკურნალოდ გადაყვანა არ მოხდება.
„ვიდრე საქართველოს მესამე პრეზიდენტს, მიხეილ სააკაშვილს ევროპაში სპეციალიზებულ კლინიკაში არ გადაიყვანენ, არ დავიშლებით. ვშლით კარვებს, ვდგებით ბოლომდე და ვიბრძვით მიშას ჯანმრთელობისთვის“, - აცხადებენ შეკრებილები.
