უკრაინის ვიცე-პრემიერის ინფორმაციით, ყველა ქალი, ბავშვი და მოხუცი, რომელიც აზოვსტალის“ ტერიტორიაზე იმყოფებოდა, უკვე ევაკუირებულია
ყველა ქალი, ბავშვი და მოხუცი, რომელიც „აზოვსტალის“ ტერიტორიაზე იმყოფებოდა, უკვე ევაკუირებულია. ამის შესახებ უკრაინის ვიცე-პრემიერმა ირინა ვერესჩუკმა „ტელეგრამ“ არხზე გაავრცელა.
„პრეზიდენტის ბრძანება შესრულებულია: ყველა ქალი, ბავშვი და მოხუცი „აზოვსტალიდან“ ევაკუირებულია“,- განაცხადა ვერესჩუკმა.
მინისტრის თქმით, მარიუპოლის ჰუმანიტარული ოპერაციის ეს ნაწილი დასრულებულია.
