აჭარის მთავრობის სახლთან 6 მაისს აქციაზე დაკავებული „ნაციონალური მოძრაობის“ 25 წევრიდან მოსამართლემ 12 პირი ხელწერილის საფუძველზე გაათავისუფლა.
კერძოდ, ხელწერილის საფუძველზე გათავისუფლდნენ: რომან ვარშალომიძე, ირაკლი მექვაბიშვილი, ნუგზარ ხოზრევანიძე, ლაშა ადამია, გიორგი დიასამიძე, ბექა მექვაბიშვილი, რისმაგ ხოზრევანიძე და შალვა ჭანტურია, ლევან გორგილაძე, ბაჩი მექვაბიშვილი, გიგა თედორაძე და მინდია ცინცაძე ხელწერილის საფუძველზე გაათავისუფლა.
მოსამართლე ალექსანდრე გოგუაძემ მხარეთა პოზიციები მოისმინა და განაცხადა, რომ მომდევნო სასამართლო პროცესი 20 მაისს გაიმართება.
დაცვის მხარემ კი გონივრული ვადა მოითხოვა, რათა მტკიცებულებებს გაეცნოს და საკუთარი პოზიცია სასამართლოში წარადგინოს.
ცნობისთვის, 6 მაისს აჭარის მთავრობის სახლთან “ერთიანი ნაციონალური მოძრაობის” ლიდერები და მათი მხარდამჭერები მიხეილ სააკაშვილის უცხოეთში სამკურნალოდ გადაყვანის მოთხოვნით აქციას მართავდნენ. მათ პროტესტის ნიშნად კარვები გაშალეს, მოგვიანებით სამართალდამცავებმა კარვები აიღეს, რასაც დაპირისპირება მოჰყვა. სამართალდამცავებმა 25 პირი დააკავეს, მათი ნაწილი ბათუმის საქალაქო სასამართლომ გუშინ ხელწერილის საფუძველზე გაათავისუფლა.