მარნეულის მუნიციპალიტეტის ხელმძღვანელმა პირებმა ფაშიზმზე გამარჯვების 77-ე წლისთავთან დაკავშირებით, მეორე მსოფლიო ომის მონაწილეები მოინახულეს, სასაჩუქრე კალათები პირადად გადასცეს და გმირული თავდადებისთვის მადლობა გადაუხადეს.
ასევე, სოფელ კაჩაგანში, შაუმიანსა და სადახლოში 9 მაისის მემორიალები გვირგვინებით შეამკეს.
“ფაშიზმზე გამარჯვებიდან 77 წელი გავიდა. თარიღთან დაკავშირებით მოვინახულეთ ომის ვეტერანები, გადავეცით სასაჩუქრე კალათები და გმირული თავდადებისთვის მადლობა გადავუხადეთ. ჩვენს გმირ ვეტერანებს ვულოცავ 9 მაისს, ფაშიზმზე გამარჯვების 77-ე წლისთავს“, - განაცხადა მარნეულის მერმა კენან ომაროვმა.
ცნობისთვის, საქართველოს მთავრობის განკარგულებით, ფაშიზმზე გამარჯვების 77-ე წლისთავთან დაკავშირებით, მეორე მსოფლიო ომის მონაწილეები ერთჯერადად 1000 ლარს, ხოლო მეორე მსოფლიო ომში დაღუპულთა ოჯახის წევრები - 500 ლარს მიიღებენ. შესაბამის განკარგულებას საქართველოს პრემიერ-მინისტრმა ირაკლი ღარიბაშვილმა ხელი უკვე მოაწერა.
აღნიშნულ ინფორმაციას მარნეულის მუნიციპალიტეტის მერია ავრცელებს.