თელავის მუნიციპალიტეტის მერმა ლევან ანდრიაშვილმა, ადმინისტრაციის სამსახურის უფროსმა თამარ ზაზანაშვილმა და საკრებულოს მაჟორიტარმა დეპუტატმა ზურა მოსახლიშვილმა მუნიციპალიტეტის უხუცეს მკვიდრს ბეწეწურ არაბულს იუბილე მიულოცეს.

როგორც მუნიციპალიტეტის მერიის მიერ გავრცელებულ ინფორმაციაშია ნათქვამი, ბეწეწურ არაბული 107 წლის გახდა.

ბეწეწურ არაბულს თელავის მუნიციპალიტეტის მერია ფულად საჩუქარს გადასცემს.

,,დღეს ვიმყოფებოდით სოფელ კობაძეში. დაბადების დღე მივულოცეთ მუნიციპალიტეტის უხუცეს მკვიდრს ბეწეწურ არაბულს, რომელსაც 107 წელი შეუსრულდა. იუბილარს სიმბოლური საჩუქარი გადავეცით, თელავის მუნიციპალიტეტის მერია იუბილარ უხუცესს ფულად თანხას გადასცემს“, - განაცხადა ლევან ანდრიაშვილმა.

თელავის მერიის ინფორმაციით, 107 წლის ბეწეწურ არაბულს 5 შვილი და 21 შვილიშვილი ჰყავს.