ბათუმის შოთა რუსთაველის სახელმწიფო უნივერსიტეტმა აბიტურიენტებს უმასპინძლა

ბათუმის შოთა რუსთაველის სახელმწიფო უნივერსიტეტმა სხვადასხვა საჯარო სკოლის მოსწავლეებს უმასპინძლა. ამის შესახებ ინფორმაციას ბათუმის შოთა რუსთაველის სახელმწიფო უნივერსიტეტი ავრცელებს.

მათივე ცნობით, მომავალ სტუდენტებს რექტორის მოადგილე თამარ სირაძე შეხვდა და უნივერსიტეტის ისტორია, საგანმანათლებლო პროგრამები, მიღწევები, სტუდენტური ცხოვრება და სამომავლო გეგმები დეტალურად გააცნო.

„აბიტურიენტებმა უმაღლესი საგანმანათლებლო დაწესებულების მატერიალურ-ტექნიკური ბაზა და კაბინეტ-ლაბორატორიები დაათვალიერეს. სკოლის მოსწავლეებმა პროფესორ-მასწავლებლებთან და სტუდენტებთან ერთად სადემონსტრაციო ცდები ჩაატარეს ფიზიკის, იმუნოგენეტიკის, კრიმინალისტიკისა და სინქრონული თარგმანის ლაბორატორიებში.

ახალგაზრდებმა ასევე ტექნოლოგიური ფაკულტეტის ბაზაზე არსებულ ინოვაციურ ლაბორატორიაში სტუდენტების მიერ შექმნილი კონსტრუქციები, შენობა-ნაგებობების მაკეტები დაათვალიერეს და მონაწილეობა მიიღეს ფაბლაბში სხვადასხვა ნივთის დამზადებაში. შეხვედრის დასასრულს, სკოლის მოსწავლეებს საინფორმაციო ბროშურებთან ერთად, სამახსოვრო საჩუქრები გადაეცათ.

2022-2023 სასწავლო წელს, ბათუმის შოთა რუსთაველის სახელმწიფო უნივერსიტეტში 32 საბაკალავრო საგანმანათლებლო პროგრამაზე 1 360 პირველკურსელი ჩაირიცხება.

აბიტურიენტებისთვის დეტალური ინფორმაცია ბათუმის შოთა რუსთაველის სახელმწიფო უნივერსიტეტის საგანმანათლებლო პროგრამების, რესურსებისა და სტუდენტური ცხოვრების შესახებ იხილეთ ბმულზე : https://bsu.edu.ge/Presentation/

ვირტუალური ტურის მეშვეობით შეგიძლიათ დაათვალიეროთ უნივერსიტეტის შენობა, ლაბორატორიები და სასწავლო რესურსები : https://bsu.edu.ge/360/“,- ნათქვამია ინფორმაციაში.

გიორგი ბილანიშვილი - სამწუხაროდ, ხელისუფლებას, რომელსაც განსაკუთრებული პასუხისმგებლობა ეკისრება ქვეყნის უსაფრთხოებაზე და მომავალზე, არ გააჩნია ფართო ხედვა და ვერ ახერხებს საერთაშორისო მოვლენების განვითარების სწორად აღქმასა და გააზრებას
ქართული პრესის მიმოხილვა 16.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო