ტყვიავში სასმელი წყლის სისტემის რეაბილიტაცია მიმდინარეობს. ამის შესახებ ინფორმაციას გორის მუნიციპალიტეტის მერია ავრცელებს.

მათივე ინფორმაციით, სოფელში არსებული მოძველებული წყალმომარაგების სისტემა ვერ აკმაყოფილებდა ადგილობრივების მოთხოვნას. 1000- მდე ოჯახი, სასმელ წყალს დღეგამოშვებით, ორი საათით იღებდა.

ასევე, ხელშეკრულების მიხედვით, სამუშაოები მიმდინარე წლის სექტემბერში დასრულდება, რის შემდეგაც ადგილობრივებს სასმელი წყალი 24 საათიანი გრაფიკით მიეწოდება.