გორის მუნიციპალიტეტში სოფელ ბერშუეთისკენ მიმავალი გზის რეაბილიტაცია მიმდინარეობს. ამის შესახებ ინფორმაციას გორის მუნიციპალიტეტის მერია ავრცელებს.

მათივე ინფორმაციით, სარეაბილიტაციო გზის მონაკვეთი, რომელიც ცენტრალური მაგისტრალიდან იწყება და სოფელ ბერშუეთის გარდა, სოფელ სობისსაც გაივლის, მჭიდროდ დასახლებულ პუნქტებსაც მოიცავს. გზის სიგრძე 3 265 მეტრია.

გარდა საავტომობილო გზის მონაკვეთისა, პროექტი სანიაღვრე სისტემის, ეზოებში შესასვლელებისა და მიერთებების მოწყობასაც ითვალისწინებს.

ხელშეკრულების მიხედვით სამუშაოები მიმდინარე წლის ივლისში დასრულდება.