რუსთავში ახალი რეკრეაციული სივრცე - მშვიდობის სკვერი გაიხსნა

მე-19 და მე-18 მიკრორაიონების მიმდებარე ტერიტორიაზე, 13 000 კვადრატულ მეტრ ფართობზე, სრულიად ახალი რეკრეაციული სივრცე მოეწყო. ამის შესახებ ინფორმაციას რუსთავის მერია ავრცელებს.

მერიის ცნობით, ახალ სკვერის გახსნას რუსთავის მერი ნინო ლაცაბიძე, ქვემო ქართლის გუბერნატორი გიორგი დოხტურიშვილი, საქართველოს პარლამენტში რუსთავის მაჟორიტარი დეპუტატი ირაკლი შატაკიშვილი და ქალაქის საკრებულოს ფრაქცია ,,ქართული ოცნების" წევრები დაესწრნენ.

რუსთაველი ახალგაზრდების ჯგუფის ინიციატივით, ახალი რეკრეაციულ სივრცეს -,,მშვიდობის სკვერი“ ეწოდა.

სკვერის საზეიმო გახსნას, დღეს რუსთავში მცხოვრები უკრაინის მოქალაქეები დაესწრნენ.

,,ჩვენ დღევანდელი დღე მივუძღვენით მშვიდობას და სკვერის გახსნაზე შემოგვიერთდნენ უკრაინელი ოჯახები, რომლებიც ომის გამო დღეს რუსთავში არიან. ახალგაზრდებს ჰქონდათ ძალიან კარგი ინიციატივა, რომ სკვერს დარქმეოდა სახელი და ეს ყოფილიყო - მშვიდობა, ჩვენ მათ ხელმოწერით დავუდასტურეთ ჩვენი თანამონაწილეობა და თანხმობა ამ ინიციატივაზე. ამ ადგილზე სკვერის მოწყობამოსახლეობის მოთხოვნა იყო, მახარებს ის, რომ ძალიან სწრაფად შევძელით დაპროექტება და ხედავთ რამდენად ლამაზი გამოვიდა ადგილი, სადაც ახალგაზრდებისთვის და პატარებისთვისაც არის გასართობი და სპორტული სივრცეები მოწყობილი, არის ამფითეატრი, რომელსაც დარწმუნებული ვარ საუბნო ღონისძიებებისთვის ახალგაზრდები და არა მხოლოდ ახალგაზრდები ხშირად გამოიყენებენ. ტერიტორიაზე დაირგო 300-ზე მეტი ხე, რომელიც ასე აკლია ჩვენს ქალაქს და სრულიად ახალი რეკრეაციული სივრცე შეიქმნა“, - განაცხადა რუსთავის მერმა ნინო ლაცაბიძემ.

ახალ სკვერში ანიმატორების ჯგუფმა პატარებისთვის გასართობი შოუ მოაწყვეს, სამხატვრო სკოლის მოსწავლეებმა კი მშვიდობის თემატიკაზე ნამუშევრები შექმნეს, გაიმართა ART LIFE-ის შოუ, ბენდ BEYOND-ის კონცერტი, საღამო დიჯეიმ დაასრულა.

მრავალფუნქციურ რეკრეაციაში, საბავშვო და სპორტული სივრცეები, ამფითეატრი და დასასვენებელი ზონებია მოწყობილი.

,,კიდევ ერთი რეკრეაციული სივრცე შეემატა ქალაქ რუსთავს. ეს არ არის ერთადერთი პროექტი, რომელიც განხორციელდა, ჩვენ რამდენიმე დღეში კიდევ რამდენიმე ლოკაციაზე ვიწყებთ მასშტაბური სკვერებისა და პარკების მოწყობის სამუშაოებს. რეკრეაციული სივრცეების მოწყობა ჩვენი გუნდის ერთ-ერთი პრიორიტეტია და ახლო მომავალში რუსთაველებს ძალიან ბევრი გამწვანებული სივრცე ექნებათ“, - განაცხადა ქვემო ქართლში სახელმწიფო რწმუნებულმა გიორგი დოხტურიშვილმა.

დენდროლოგიური პროექტის ფარგლებში, სკვერის ტერიტორიაზე 350 ძირი სხვადასხვა ჯიშის ხე-მცენარე დაირგო.

,,ნებისმიერი რეკრეაციული სივრცე რუსთავის ეკოლოგიური მდგომარეობიდან გამომდინარე, რა თქმა უნდა ძალიან მნიშვნელოვანია. მე მოხარული ვარ და მივესალმები იმ ფაქტს, რომ ჩვენ რუსთაველებმა, რაღაცნაირად შევძელით პრივატიზებისგან დაგვეცვა და გადაგვერჩინა ქალაქში არსებული რეკრეაციული სივრცეები და ახლა მიმდინარეობს მათი რეაბილიტაცია და გამწვანება. ამის ნათელი მაგალითია დღეს გახსნილი სკვერი, რომლის სახელწოდება დაკავშირებულია მშვიდობასთან და მსოფლიო გამოწვევის გათვალისწინებით დღეს მშვიდობის მნიშვნელობა ყველას ძალიან კარგად მოგვეხსენება“, - განაცხადა ირაკლი შატაკიშვილმა.

მე-19 და მე-18 მიკრორაიონების მიმდებარე ტერიტორიაზე, ახალი სკვერის მოწყობის პროექტის ღირებულება 1 224 439 ლარია.

მიმდინარე წელს, რუსთავში ახალი რეკრეაციული სივრცეების მშენებლობა და არსებულის რეაბილიტაცია აქტიურად მიმდინარეობს. უახლოეს პერიოდში, კიდევ ერთი ახალი სკვერი მე-8 მიკრორაიონში გაიხსნება, რეკრეაციული სივრცის რეაბილიტაცია დაწყებულია დიდების ხეივანში და ცურტაველის მოედნის მიმდებარედ, სკვერის რეაბილიტაცია და ახალი მედიათეკის მშენებლობა, უახლოეს პერიოდში კლდიაშვილის ქუჩაზე დაიწყება.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს