„თავისუფლება ნიკა გვარამიას“, „მედია ყოველთვის მოიგებს“, - ამ მოწოდებით ქუთაისში აქცია გაიმართა. მედიის და სხვადასხვა სფეროს წარმომადგენლები ნიკა გვამარმიას მხარდასაჭერად შეიკრიბნენ. მათ სასამართლოს გადაწყვეტილება გააპროტესტეს და განაცხადეს, რომ ეს არის თავისუფალი სიტყვის დევნა. აქციის მონაწილეების თქმით, სოლიდარობას უცხადებენ ნიკა გვარამიას და „მთავარ არხს".
„გადაწყვეტილება, რაც მიიღო მოსამართლემ, არ არის სამართლიანი, ეს არის პოლიტიკური განაჩენი თავისუფლების წინააღმდეგ. ძალიან მაწუხებს ის მდგომარეობა, რაც სასამართლო სისტემაში არის. დღეს შევიკრიბეთ, ნიკა გვარამიას და „მთავარი არხის“ მხარდასაჭერად“, - განაცხადეს აქციის მონაწილეებმა.