ბოლნისის მერიის მხარდაჭერით, „ბოლნისის აგროცენტრმა“ ტურიზმისა და სასტუმრო აღჭურვილობის მე-13 საერთაშორისო გამოფენაში მიიღო მონაწილეობა
ბოლნისის მერიის ინფორმაციით, ბათუმში ტურიზმისა და სასტუმრო აღჭურვილობის მე-13 საერთაშორისო გამოფენა მოეწყო, რომელშიც მონაწილეობა ქვემო ქართლის რეგიონიდან „ბოლნისის აგროცენტრმა“ მიიღო.
ბოლნისის მუნიციპალიტეტის ცნობით, აგროცენტრმა დამთვალიერებელს ცენტრში არსებული სერვისებისა და ბოლნისის მუნიციპალიტეტის ტურისტული ინფრასტრუქტურის შესახებ დეტალური ინფორმაცია მიაწოდა. გამოფენის სტუმრებს აგროცენტრის სტენდთან ასევე ბოლნისურ საოჯახო მარნებში წარმოებული ღვინის დაგემოვნების შესაძლებლობაც ჰქონდათ.
აღნიშნული ღონისძიება საზეიმოდ ბათუმის მერმა, არჩილ ჩიქოვანმა გახსნა. გამოფენას ასევე ბოლნისის მუნიციპალიტეტის მერის პირველი მოადგილე, ბუბა გობეჯიშვილი დაესწრო.
