მარნეულში შოთა რუსთაველის დღე აღინიშნა

საქართველოს კულტურის, სპორტისა და ახალგაზრდობის სამინისტროს ინიციატივითა და მხარდაჭერით და ანზორ ერქომაიშვილის სახელობის ფოლკლორის სახელმწიფო ცენტრის ორგანიზებით, ქალაქ მარნეულში დიდი ქართველი პოეტის შოთა რუსთაველის დღე აღინიშნა.

მარნეულის მერიის ინფორმაციით, ღონისძიებას საქართველოს კულტურის, სპორტისა და ახალგაზრდობის მინისტრის პირველი მოადგილე კახა სიხარულიძე, საქართველოს პარლამენტის მარნეულისა და გარდაბნის მაჟორიტარი დეპუტატი ზაურ დარგალი, სახელმწიფო რწმუნებული ქვემო ქართლის მხარეში გიორგი დოხტურიშვილი, მარნეულის მუნიციპალიტეტის მერი კენან ომაროვი, მერის პირველი მოადგილე როინ დეკანოიძე, საკრებულოს თავმჯდომარის მოადგილეები ტარიელ მამედოვი და როვშან ისკანდაროვი ესწრებოდნენ.

„მარნეულის საკრებულოს საკონფერენციო დარბაზში ჩატარდა ლექცია-სემინარი შოთა რუსთაველის ფენომენის შესახებ, სადაც ფილოლოგმა და პედაგოგმა მაკა ელბაქიძემ ისაუბრა ვეფხისტყაოსანზე შუასაუკუნეების აღმოსავლური ლიტერატურის კონტექსტში, ფილოლოგმა ლევან გიგინეიშვილმა კი შოთა რუსთაველის ფენომენი განიხილა.

ღონისძიების ფარგლებში საქართველოს კულტურის, სპორტისა და ახალგაზრდობის მინისტრის პირველმა მოადგილემ კახა სიხარულიძემ მარნეულის მუნიციპალურ ბიბლიოთეკას კულტურის სამინისტროს მიერ გამოცემული 30-მდე დასახელების წიგნი გადასცა. მოწვეულმა სტუმრებმა მარნეულის კულტურის სახლის ფოიეში მსოფლიოს სხვადასხვა ენაზე გამოცემული ვეფხისტყაოსნის გამოფენა დაათვალიერეს, რის შემდეგაც მეთოჯინე არმენ ოვანესიანის თოჯინურ პერფორმანსს დაესწრნენ.

დასკვნით ნაწილში, მარნეულის კულტურის სახლის საკონცერტო დარბაზში გაიმართა ანსამბლის „დიდგორი" კონცერტი, რომლის დაწყებამდე სტუმრებს სიტყვით მიმართა და რუსთაველის დღის შესახებ ისაუბრა ფოლკლორის ცენტრის დირექტორის მოადგილემ გიორგი გაბუნიამ. ასევე, ნაჩვენები იყო ქართველი ხელოვანების მიერ შოთა რუსთაველის პოემის კითხვის ამსახველი აუდიო-ვიზუალური (ილუსტრაციები) კოლაჟი. კონცერტის მსვლელობისას აშუღმა ნარგილე მეხტიევამ შეკრებილ საზოგადოებას აშუღური პოეზიის ნიმუშები წარუდგინა“,- ნათქვამია ინფორმაციაში.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია