კახეთში „სუფთა რეგიონის" აღნიშვნის მასშტაბური ღონისძიება გაიმართა

კახეთის რეგიონს ზედიზედ მეოთხედ „სუფთა რეგიონის“ სტატუსი მიენიჭა. ამის შესახებ ინფორმაციას თელავის მუნიციპალიტეტის მერია ავრცელებს.

მათივე ცნობით, „სუფთა რეგიონის“ აღნიშვნის ღონისძიება მასშტაბურად ჩატარდა.

„მიმდინარე წლის 13 მაისს, თბილისის საკრებულოს დარბაზში პროექტის „დავიცვათ საქართველოს სისუფთავე“ ფარგლებში, კონკურსის „სუფთა რეგიონი“ დაჯილდოების ღონისძიება გაიმართა.

„სუფთა რეგიონის" კონკურსზე, ზედიზედ მეოთხედ კახეთს „სუფთა რეგიონის“ სტატუსი მიენიჭა. ამავე კონკურსის ფარგლებში, ნომინაციაში „სუფთა ქალაქი“ ლაგოდეხის მუნიციპალიტეტმა, ხოლო ნომინაციაში, „სუფთა ქუჩა“ ახმეტის მუნიციპალიტეტმა გაიმარჯვა. დღეს კი თელავში, კახეთის სახელმწიფო რწმუნებულის ადმინისტრაციის ორგანიზებითა და დანიშნულების ადგილის მართვის ორგანიზაციის (DMO) „ვიზიტ კახეთი“ მხარდაჭერით „სუფთა რეგიონის“ აღნიშვნის ღონისძიება მასშტაბურად ჩატარდა”,- აღნიშნავენ გავრცელებულ ინფორმაციაში.

ირაკლი შიოშვილმა და კახეთის მუნიციპალიტეტების მერებმა მოწვეულ რეგიონის რვავე მუნიციპალიტეტის დასუფთავებისა და კეთილმოწყობის სამსახურების წარმომადგენლებს „სუფთა რეგიონის“ სტატუსი პირადად მიულოცეს, წარმომადგენლებს მადლობის სიგელები, ხოლო მეეზოვე ქალბატონებს თაიგულები გადასცეს.

„თბილისში, „სუფთა რეგიონის“ დაჯილდოების ღონისძიებაზე პირობა დავდე, რომ ამ ჯილდოს თქვენთან ერთად გავიზიარებდი, რადგან თითოეული თქვენგანის დამსახურებაა კახეთისთვის „სუფთა რეგიონის“ სტატუსის მინიჭება ზედიზედ მეოთხედ. ეს ჯილდო ეკუთვნის თითოეულ იმ ადამიანს, რომელიც გულმოდგინედ ასრულებს სამსახურებრივ მოვალეობას და ზრუნავს ჩვენს რეგიონში ჯანსაღი, სუფთა გარემოს შექმნაზე.

მოდის ტურისტული სეზონი და კახეთი მოწოდების სიმაღლეზე დახვდება რეგიონში ჩამოსულ ვიზიტორებს. სუფთა რეგიონის სტატუსი კი ჩვენთვის დიდი მოტივაციაა, რომ რეგიონი ყოველწლიურად კიდევ უფრო სუფთა და მიმზიდველი გავხადოთ. მადლობას ვუხდი თითოეულ მეეზოვეს, რომელიც ჩვენი რეგიონის სისუფთავის შენარჩუნებისთვის ერთგულად ასრულებს თავის საქმეს“, -აღნიშნა ირაკლი შიოშვილმა.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ქართული პრესის მიმოხილვა 06.02.2023
თეონა ლავრელაშვილი - ევროკავშირის ანგარიში თვითკმაყოფილებად არ უნდა ვაქციოთ, მთავარი „საშინაო დავალება“ არის ევროკავშირის 12 რეკომენდაციის მაქსიმალურად შესრულება
საქართველო და პოსტ-საბჭოთა პერიოდის დასასრული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე