ქუთაისის მერიის ინფორმაციით, მუნიციპალიტეტი მუშაობას აგრძელებს, რომ „სმარტ-ეკო ქალაქი“ გახდეს

მუნიციპალური გარდაქმნის პორტფელის შექმნის პროცესში, ქუთაისის მუნიციპალიტეტი მუშაობას აგრძელებს იმისთვის, რომ „სმარტ-ეკო ქალაქი “გახდეს.

ქუთაისის მერიის ინფორმაციით, პროექტი ხორციელდება ევროკავშირისა და გაეროს განვითარების პროგრამის (UNDP) ერთობლივი ინიციატივის „მერები ეკონომიკური ზრდისთვის“ (M4EG) ფარგლებში.

მორიგი ეტაპის დასრულების შემაჯამებელ ონლაინ სამუშაო შეხვედრაში მონაწილეობდნენ ქუთაისის მერი იოსებ ხახალეიშვილი, მერის მოადგილეები იუზა უგულავა და ირაკლი ქარქაშაძე, ქუთაისის მხრიდან შექმნილი სამუშაო ჯგუფის წევრები, UNDP-ის სტამბულის ჰაბის ინოვაციების გუნდის წევრი - იარა ჩანგი და სტრატეგიული და ტრანსფორმაციული ინოვაციების სფეროში მოქმედი საერთაშორისო ორგანიზაცია Chora Foundation-ის ექსპერტი მელა ათანასოვა, „მერები ეკონომიკური ზრდისთვის“ (M4EG) პროექტის მენეჯერი თინათინ ტყეშელაშვილი და პარტნიორი ორგანიზების წარმომადგენლები.

უცხოელმა ექსპერტებმა დადებითად შეაფასეს ქუთაისის მუნიციპალიტეტის გუნდის მუშაობა, ჩართულობა და მაღალი მოტივაცია პროექტის მიმდინარეობისას. შეაჯამეს სამთვიანი მუშაობის მიღწევები. შემდგომ ეტაპზე ერთობლივი მუშაობა გაგრძელდება ნარჩენების მართვის, გარემოს დაცვის, ენერგოეფექტურობის, ტრანსპორტის და გამწვანების სექტორებში ინტერვენციების გამოსაკვეთად, რომელიც ხელს შეუწყობს ქუთაისს, რომ სმარტ გადაწყვეტილებებით და სისტემური მიდგომებით გახდეს ჯანსაღი და კომფორტული საცხოვრებელი ადგილი საკუთარი მოქალაქეებისათვის და კარგი პრაქტიკის მქონე ქალაქი, როგორც ლოკალურ, ასევე საერთაშორისო დონეზე.

ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ქართული პრესის მიმოხილვა 26.01.2023
ჯეიმი ფლაი - უკრაინელებმა მთელი მსოფლიო დაარწმუნეს, რომ მზად არიან დაიცვან თავის ქვეყანა, მიუხედავად საშინელი საფრთხისა, რომლის წინაშეც იდგა უკრაინის ბევრი ოფიციალური პირი და უკრაინელი ხალხი
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
SWEFLAND Group ონკოლოგიური დაავადებების მქონე ბავშვებისთვის - ურთიერთშეთანხმების მემორანდუმი სოლიდარობის ფონდთან
IDS ბორჯომსა და საქართველოს სათხილამურო ფედერაციას შორის პარტნიორობის მემორანდუმი გაფორმდა