გორის მერია - „განათლების ხელშეწყობისა და თანადაფინანსების მუნიციპალური პროგრამის“ ფარგლებში, მიმდინარეობს პროექტი - „ქალთა დასაქმება სწავლების გზით“

„განათლების ხელშეწყობისა და თანადაფინანსების მუნიციპალური პროგრამის“ ფარგლებში მიმდინარეობს პროექტი - „ქალთა დასაქმება სწავლების გზით“, - ამის შესახებ ინფორმაციას გორის მერია ავრცელებს.

მათივე ცნობით, პროექტი განკუთვნილია სოციალურად დაუცველი და იძულებით გადაადგილებული ქალების, ასევე, დასაქმებისა და ახალი პროფესიული უნარების შეძენის მსურველი 30 ბენეფიციარი ქალისთვის, რომლებიც 5 თვის განმავლობაში ჭრა-კერვა-მოდელირების პრაქტიკულ კურსს გაივლიან.

„პროექტი ითვალისწინებს, აგრეთვე, ტრენინგებს სამეწარმეო უნარ-ჩვევების, ბიზნესპროექტების წერისა და ფონდების მოძიების თემატიკაზე, რაც საშუალებას მისცემს ბენეფიციარებს დასაქმდნენ სამკერვალო საწარმოებში ან თავად წამოიწყონ მცირე ბიზნესი.

პროექტის განმხორციელებელი ორგანიზაციაა „ნაბიჯი განვითარებისათვის“, რომელიც ბენეფიციარებს სასწავლო კურსის დასრულების შემდეგ სამკერვალო საწარმო „ლიდერში“ დაასაქმებს.

პროექტი „ქალთა დასაქმება სწავლების გზით“ დაფინანსებულია გორის მუნიციპალიტეტის მერიის „განათლების ხელშეწყობისა და თანადაფინანსების პროგრამით“, რომლის მიზანია არაფორმალური განათლების ხელშეწყობა ტრენინგების, სემინარების თუ სხვა კულტურულ-საგანმანათლებლო და შემეცნებითი აქტივობების გზით“, - ნათქვამია გავრცელებულ ინფორმაციაში.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია