ქუთაისში ქართულ-ავსტრიული დიპლომატიური ურთიერთობების აღდგენის 30 წლის იუბილესადმი მიძღვნილი კლასიკური მუსიკის კონცერტი გაიმართა

ქუთაისის მელიტონ ბალანჩივაძის სახელობის ოპერისა და ბალეტის პროფესიულ სახელმწიფო თეატრში კლასიკური მუსიკის კონცერტი გაიმართა, რომელიც ქართულ-ავსტრიული დიპლომატიური ურთიერთობების აღდგენის 30 წლის იუბილეს მიეძღვნა. ამის შესახებ ინფორმაციას ქუთაისის მერია ავრცელებს.

მათი თქმით, კონცერტი წარმოადგინა ქუთაისის მუნიციპალიტეტის მერიამ და ავსტრიის საელჩომ საქართველოში. ამასთან, ღონისძიებას ესწრებოდნენ ქუთაისის მერი იოსებ ხახალეიშვილი, ავსტრიის ელჩი თომას მიულმანი, იმერეთში სახელმწიფო რწმუნებული ზვიად შალამბერიძე, მაჟორიტარი დეპუტატი ზაზა ლომინაძე, საკრებულოს თავმჯდომარე ირაკლი შენგელია.

ქუთაისის მერის შეფასებით, საქართველოს და ავსტრიის პარტნიორობა საკმაოდ წარმატებულია.

„წელს საქართველოსა და ავსტრიის რესპუბლიკას შორის დიპლომატიური ურთიერთობების აღდგენის 30 წლისთავი აღინიშნება. ჩვენს ქვეყნებს მეგობრობის დიდი ტრადიცია აქვთ, რომელსაც საფუძველი ჩაეყარა ჯერ კიდევ მე-19 საუკუნეში, როცა საქართველოში საცხოვრებლად ჩამოვიდა ავსტრიელი მწერალი და საზოგადო მოღვაწე ბერტა ფონ ზუტნერი- პირველი ნობელიანტი ქალი მშვიდობის დარგში.

ბერტა ფონ ზუტნერი გარკვეული პერიოდი ცხოვრობდა ქუთაისში და თავის ჩანაწერებშიც ხშირად ახსენებს ჩვენს ქალაქს. საქართველო და ავსტრია თანამშრომლობს სხვადასხვა სფეროებში და ეს პარტნიორობა საკმაოდ წარმატებულია.

მოხარული ვარ, რომ დღეს გვქონდა საშუალება, ჩვენს ქვეყნებს შორის დიპლომატიური ურთიერთობების აღდგენის იუბილე ავსტრიის ელჩთან, ბატონ თომას მიულმანთან ერთად აღგვენიშნა",- განაცხადა იოსებ ხახალეიშვილმა.

იმერეთში სახელმწიფო რწმუნებულის თქმით, ავსტრია საქართველოს ტერიტორიულ მთლიანობას და სუვერენიტეტს მხარს უჭერს ისევე, როგორც მის ევროპულ ინტეგრაციას, რაც მნიშვნელოვანია.

,,ავსტრიამ ჯერ კიდევ საქართველოს პირველი რესპუბლიკის დამოუკიდებლობა აღიარა, ამ ქვეყანამ დიდი წვლილი შეიტანა საქართველოს ინსტიტუციონალური და სოციალურ-ეკონომიკური განვითარების ხელშეწყობაში, ჩვენი მეგობრობა და პარტნიორული ურთიერთობები მოიცავს არაერთ სფეროს, მათ შორის ეკონომიკას, განათლებას, ტურიზმს, რომელსაც ჩვენ ასევე დიდ ყურადღებას ვაქცევთ.

ავსტრია მხარს უჭერს საქართველოს ტერიტორიულ მთლიანობას და სუვერენიტეტს ისევე, როგორც მის ევროპულ ინტეგრაციას, რაც ჩვენთვის ძალიან მნიშვნელოვანია, რადგან ეს არის ის, რისკენაც ჩვენ მივისწრაფით და ამ ქალაქში ეს ძალიან კარგად იგრძნობა. აქ ჯერ კიდევ მაშინ დაიწყო და შეიგრძნეს ევროპა, როდესაც არც მიმოსვლა იყო მარტივი და არც ამდენი შესაძლებლობა არსებობდა, ახლა კი გრძელდება და ვითარდება ყველაფერი, რაც ახლოს არის ევროპასთან, რადგან ეს არის ჩვენი შინაგანი მოცემულობა, ეს არის ის, რაც ჩვენში საუკუნეებია დევს", - განაცხადა ზვიად შალამბერიძემ.

არმაზ ახვლედიანი - რაც „ნაცმოძრაობაში“ ხდება, „ქართული ოცნების“ წისქვილზე ასხამს წყალს, ამას „ნაცმოძრაობის“  ხელმძღვანელები ვერ ხვდებიან? თუ ვერ ხვდებიან, მაშინ რა უნდათ პოლიტიკაში?
ქართული პრესის მიმოხილვა 08.02.2023
რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა