აჭარის უმაღლესი საბჭო - აჭარის უმაღლესი საბჭო, საჯარო ინფორმაციის ხელმისაწვდომობით, ქვეყნის მასშტაბით საუკეთესო ხუთეულშია

აჭარის უმაღლესი საბჭო, საჯარო ინფორმაციის ხელმისაწვდომობის რეიტინგში კვლავ ლიდერობს და ქვეყნის მასშტაბით, საჯარო უწყებების საუკეთესო ხუთეულშია. ინფორმაციას ამის შესახებ აჭარის უმაღლესი საბჭო ავრცელებს.

მათივე ცნობით, ინფორმაციის თავისუფლების განვითარების ინსტიტუტის (IDFI) ანგარიშის თანახმად, 2021 წელს, ყველა საჯარო ინფორმაციის მოთხოვნის სრულყოფილი სახით და 10- დღიანი ვადის დაცვით გამცემი 13 უწყება გამოვლინდა, რომელთაგან 3 აჭარიდანაა (აჭარის ავტონომიური რესპუბლიკის უმაღლესი საბჭო, განათლების, კულტურისა და სპორტის სამინისტრო, ასევე, სოფლის მეურნეობის სამინისტრო).

ანგარიშის წარდგენისას, IDFI-ის აღმასრულებელმა დირექტორმა, გიორგი კლდიაშვილმა აჭარის უმაღლესი საბჭოს აპარატის უფროსს, ზურაბ ჭურკვეიძეს საჯარო ინფორმაციის ხელმისაწვდომობის უზრუნველყოფისათვის სიგელი გადასცა.

„ინსტიტუტი მონიტორინგის შედეგად, საქართველოში ყველაზე ღია და დახურულ საჯარო უწყებებს ყოველწლიურად ასახელებს.

აღსანიშნავია, რომ აჭარის უმაღლესი საბჭო ბოლო წლებია საჯარო დაწესებულებებს შორის საჯარო ინფორმაციის ხელმისაწვდომობის მაღალი მაჩვენებლებით გამოირჩევა და საჯარო ინფორმაციის გაცემის კანონით გათვალისწინებულ ვალდებულებას ჯეროვნად ასრულებს, რაც მის ლიდერობას განაპირობებს.

IDFI-ის ანგარიშის პრეზენტაციაზე, აჭარის საკანონმდებლო ორგანოსთან ერთად, სიგელები იმ უწყებებს გადაეცათ, რომლებმაც 2021 წელს საჯარო ინფორმაციის ხელმისაწვდომობის 100%-იანი მაჩვენებელი აჩვენეს“, - აღნიშნულია გავრცელებულ ინფორმაციაში.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია