„ლისი ინტელიგენციის“ განვითარებისთვის დახარჯული ჯამური ინვესტიცია 1 500 000 ლარს უტოლდება
წელიწადზე მეტია, ლისის ტბის ტერიტორიაზე თბილისის ერთ-ერთი ყველაზე პოპულარული რესტორანი - „ლისი ინტელიგენცია“ ფუნქციონირებს, რომლის განვითარებისთვის კომპანიამ „საქართველოს ბანკისგან“ ჯამში 1 000 000 ლარამდე ოდენობის კაპიტალი მოიზიდა.
ბანკის მიერ გაცემული სახსრებით კომპანიამ დაასრულა რესტორნის სამშენებლო სამუშაოები და 2021 წლის აგვისტოში, ოპერირების დაწყების დღიდან 50-მდე ადამიანი დასაქმდა.
მიუხედავად პანდემიური გამოწვევებისა, „ლისი ინტელიგენცია“ თავისი მდებარეობის, გარემოსა და კერძების გათვალისწინებით, დედაქალაქის ყველაზე პოპულარულ რესტორნებს შორისაა.
როგორც რესტორნის დირექტორი ნიკოლოზ აფაქიძე განმარტავს, კომპანიას სხვადასხვა სარეკრეაციო სივრცეში კომფორტული სივრცეების შექმნის მრავალწლიანი გამოცდილება აქვს, რაც ლისის ტბის ტერიტორიაზე ამგვარი გარემოს შექმნაში დაეხმარა. მისი თქმით, რესტორნის კონცეფცია არის მინიმალისტური და გარემოს პირობებს მაქსიმალურად მისადაგებული. ფუნქციონირებს როგორც დახურული, ისე ღია სივრცეები, რათა სტუმრები ნებისმიერ ამინდში მიიღონ.
„ჩვენი პარტნიორი არის „საქართველოს ბანკი“, რომელიც მუდმივად მხარში გვიდგას და ხელს უწყობს ჩვენს განვითარებასა და წინსვლას. პროექტის განვითარებისთვის საჭირო კაპიტალის მნიშვნელოვანი ნაწილი სწორედ მისგან მივიღეთ. გარდა უკვე არსებული თანამშრომლობისა, ჩვენი და „საქართველოს ბანკის“ ურთიერთობა ახალ ეტაპზე გადადის, რაც გულისხმობს კონკრეტული პროექტის განხორციელებას ჩვენი რესტორნის ფარგლებში,“- განმარტა ნიკოლოზ აფაქიძემ.
რესტორნის დირექტორის თქმით, ამ ეტაპზე, თვის ჭრილში 10-15 ათას სტუმარს მასპინძლობენ, თუმცა მზარდი ტენდენციიდან გამომდინარე, რაოდენობის გაორმაგებას და უფრო დასტაბილურებას ელოდებიან.
„სარესტორნე ბიზნესი მართლაც ურთულესია, რადგან ყველა სტუმრის სურვილი უპირობოდ უნდა დააკმაყოფილო. ჩვენ მუდმივად ვცდილობთ, ვიყოთ მოწოდების სიმაღლეზე და ჩვენთან მიღებული მომსახურებით ყველა სტუმარი კმაყოფილი დარჩეს. მათი უმრავლესობისგან დადებით უკუკავშირს ვიღებთ, რაზეც მეტყველებს ის ფაქტიც, რომ დღითიდღე იზრდება იმ სტუმრების რიცხვი, რომლებიც განმეორებით სტუმრობენ ჩვენს რესტორანს,“ - აღნიშნა ნიკოლოზ აფაქიძემ.
კომპანია სამომავლოდ სერვისის უფრო სრულყოფასა და ახალი სივრცეების დამატებას გეგმავს.
(R)
