გარდაბნის მუნიციპალიტეტის მერიის მხარდაჭერით და ორგანიზებით, გარდაბანში, 26 მაისი, ქვეყნის დამოუკიდებლობის დღე აღინიშნა.
გარდაბნის მუნიციპალიტეტის მერიის ინფორმაციით, საზეიმო ღონისძიებების ფარგლებში, კულტურისა და ახალგაზრდობის პარკში ადგილობრივი, ფოლკლორული და ქორეოგრაფიული ანსამბლების კონცერტი გაიმართა.
ასევე მოეწყო დამოუკიდებლობის დღისადმი მიძღვნილი ფოტომასალისა და ფერწერული ტილოების გამოფენა.
"ჩვენი ქვეყნის ისტორიაში საქართველოს დამოუკიდებლობის დღე უმნიშვნელოვანესი თარიღია. ვულოცავ ქვეყნის თითოეულ მოქალაქეს საქართველოს დამოუკიდებლობის დღეს. ჩვენი ურყევი ნება და სურვილი ევროპულ ოჯახში სწრაფვისკენ, სწორედ იმ ღირებულებების გაგრძელებაა, რაც 104 წლის წინ ურყევი ნებით მოვიპოვეთ" , - განაცხადა გარდაბნის მუნიციპალიტეტის მერმა დავით კარგარეთელმა.