გურჯაანის კულტურისა და დასვენების პარკში საქართველოს დამოუკიდებლობის აქტის ასლი დააზიანეს, რომელიც გუშინ, 26 მაისისადმი მიძღვნილ ღონისძიებაზე იყო გამოფენილი. ასევე დაზიანებულია პარკში არსებული ატრაქციონები. ამის შესახებ ინფორმაცია და ფოტოები სოციალურ ქსელში გავრცელდა.

მომხდარ ფაქტს გურჯაანის მერიაში ადასტურებენ, თუმცა, განმარტავენ, რომ ადგილზე პოლიცია იმყოფება და ჯერჯერობით მეტი დეტალი არ იციან. მათი ვარაუდით, დაზიანებები ღამით მოხდა, რადგან დამოუკიდებლობის დღისადმი მიძღვნილი ღონისძიებები საღამომდე გრძელდებოდა.

ფოტოები სოციალურ ქსელში ვრცელდება.