რუსეთის ციხეში მყოფი კრემლის კრიტიკოსი ალექსეი ნავალნი აცხადებს, რომ მის წინააღმდეგ ახალი სისხლის სამართლის საქმე აღძრეს და ბრალის დამტკიცების შემთხვევაში კიდევ 15 წლამდე თავისუფლების აღკვეთა ემუქრება.

მისი ეს განცხადება სოციალურ ქსელში გამოქვეყნდა, სადაც ნავალნი აღნიშნავს, რომ მას ბრალი ედება ექსტრემისტული ორგანიზაციის შექმნასა და ხელისუფლების მიმართ სიძულვილის გაღვივებაში.

დასავლური მედიის ცნობით, ნავალნის ცხრაწლიანი პატიმრობა მიმდინარე წლის მარტში თაღლითობისა და სასამართლოს უპატივცემულობისთვის მიუსაჯეს, მანამდე კი მას ორ წლამდე პატიმრობა უკვე ჰქონდა მისჯილი.

კრემლის კრიტიკოსი გამუდმებით ამტკიცებს, რომ მის წინააღმდეგ ბრალდებები პოლიტიკურად მოტივირებულია.