ლენტეხის მუნიციპალიტეტში, ჩიხარეშის თემში ძიუდოს სექცია გაიხსნა. რაჭა-ლეჩხუმისა და ქვემო სვანეთის რეგიონში სახელმწიფო რწმუნებულის ადმინისტრაციის ინფორმაციით, ახალი სექციის გახსნის ცერემონიალს რაჭა-ლეჩხუმ სვანეთის მაჟორიტარი დეპუტატი გოჩა ენუქიძე ადგილობრივი ხელისუფლების წარმომადგენლებთან ერთად დაესწრო და ჩიხარეშის სკოლას საჩუქრად ‘’კიმანოები’’ გადასცა.

გოჩა ენუქიძის განცხადებით, მსგავსი ღონისძიება უახლოეს პერიოდში ჟახუნდერის თემშიც იგეგმება.

,,ძიუდოს ახალი სექციის გახსნა, ახალგაზრდებში ჯანსაღი ცხოვრების წესის დამკვიდრებას მნიშვნელოვნად შეუწყობს ხელს. წარმატებას ვუსურვებ მწრთვნელებსა და ახალგაზრდებს ამ მნიშვნელოვან საქმეში”,- აღნიშნავს გოჩა ენუქიძე.