ონის მუნიციპალიტეტის სოფლებში, საკაოში, ლაგვანთაში, მაჟიეთსა და ხიდეშლებში საავტომობილო გზის სარეაბილიტაციო სამუშაოები მიმდინარეობს.
ინფორმაციას რაჭა-ლეჩხუმისა და ქვემო სვანეთის მხარის ადმინისტრაცია ავრცელებს.
მათი ინფორმაციით, რაჭა-ლეჩხუმ სვანეთის მაჟორიტარი დეპუტატი, გოჩა ენუქიძე სარეაბილიტაციო სამუშაოების მიმდინარეობას, რომელსაც კონტრაქტორი კომპანია შპს „დაგი“ ასრულებს, ადგილობრივი ხელისუფლების წარმომადგენლებთან ერთად გაეცნო.
დეპუტატის ინფორმაციით, მიმდინარე სარეაბილიტაციო სამუშაოები საავტომობილო გზის ასფალტო-ბეტონის საფარის მოწყობას ითვალისწინებს.
,,პროექტი რეგიონალური განვითარების ფონდიდან ფინანსდება, რომლის ჯამური ღირებულება 649 999 71 ლარს შეადგენს და მისი დასრულება მიმდინარე წლის ივლისის თვეში იგეგმება“, - აცხადებს ენუქიძე.