პოლიტიკური პარტია „ლელო საქართველოსთვის“ „რესპუბლიკური პარტიის“ ლიდერებზე, ხათუნა სამნიძეზე და დავით ბერძენიშვილზე განხორციელებულ ფიზიკური და სიტყვიერი თავდასხმას ფაქტს გმობს.

როგორც პარტიის განცხადებაშია აღნიშნული, მსგავსი ფაქტები ობიექტურად უნდა იყოს გამოძიებული

„სამწუხაროდ, ეს არის ხელისუფლების მხრიდან სიძულვილის ენის გამოყენებისა და ძალადობრივ ჯგუფებთან თანამშრომლობის შედეგი. მსგავსი ფაქტები ობიექტურად უნდა იყოს გამოძიებული და დამნაშავე პირები კანონის სრული სიმკაცრით დაისაჯონ. აღსანიშნავია, რომ მსგავსი ფაქტები აზარალებს ქვეყნის სტატუსს საერთაშორისო ასპარეზზე, განსაკუთრებით მაშინ, როდესაც საქართველო ევროკავშირის წევრობაზე განაცხადის პასუხს ელოდება.

პოლიტიკური პარტია „ლელო“ გმობს ყველანაირ ძალადობას და მიაჩნია, რომ „ქართული ოცნების“ მხრიდან სიძულვილის ენის გამოყენება, ძალადობის დაუსჯელობის სინდრომის დამკვიდრება და საზოგადოებაში პოლარიზაციის გაღრმავება, ხელს უწყობს იმ გარემოს შექმნას, სადაც მსგავსი ფაქტები ხდება“,- ნათქვამია განცხადებაში.