იმერეთში, სოფელ ჭოგნარში, ავტოსაგზაო შემთხვევა მოხდა. არსებული ინფორმაციით, მიკროავტობუსი, დაახლოებით, 30 მეტრი სიმაღლიდან ხევში გადაიჩეხა.

როგორც შინაგან საქმეთა სამინისტროში „ინტერპრესნიუსს“ განუცხადეს, შემთხვევის შედეგად არავინ დაშავებულა.

თვითმხილეველების ინფორმაციით, მიკროავტობუსში მძღოლი მარტო იმყოფებოდა.

" მიკროავტობუსი დაახლოებით 30 მეტრის სიმაღლიდან გადავარდა. საბედნიეროდ ტრანსპორტში მყოფი ერთადერთ პირს, მძღოლს არანაირი დაზიანებები არ მიუღია. სავარაუდოდ, მოწყვეტით არ გადავარდნილა, ჩაგორდა და მძღოლმა საკუთარი თავის კონტროლი მოახერხა",- აცხადებს ის.

უწყების ცნობით, მომხდარზე გამოძიება საქართველოს ადმინისტრაციულ სამართალდარღვევათა კოდექსის მუხლით დაიწყო.